تكفون الفزعة بعت لوحة ومادري كيف طريقة التنازل
 

السلام عليكم ورحمة الله وبركاته

اخواني الاعزاء

بحمد الله بعت لوحة سيارتي خصوصي لرجال شرواكم

لكن كيف الطريقة اللي اتنازله عن اللوحة

اكيد عن طريق المرور لكن وش الاجراءات


او وش الحلول



لما سألت المرور قالولي اللوحة ماتصير بسيارة ثانية الا لما تكون السيارة الثانية باسم نفس الشخص المتنازل عن اللوحة:o

أفااااااااا


تكفون احد يرد علي رد شافي

لو تكرمتوا

[align=center]اخوي لازم السيارتين تكون بإسم شخص واحد وبعدها يتم إسقاط اللوحات وتبديلها ورسوم الاسقاط 400 ريال ونقل ملكية 100ريال واستمارة 300 ريال والله اعلم
موفق بإذن الله ... لك مني أجمل تحية . [/align]

[align=center]
هلا فيك اخوي ..
انا قبل فتره بعت لوحة سيارتي .. وبصراحة الإجراءات شوي معقده(بدون واسطه)
رحت لمكتب اعرفه وما قصر معي .. اولاً نقلت سيارتي باسم مشتري اللوحات **** يبغالك ثقه 1000%100
وتم استخراج استمارتين باسم شخص واحد ومن ثم تبديل اللوحات واسقاط لوحته القديمة .. ثم إعادة السيارة باسمي واستخراج لوحات جديده لي ..

** الإجراءات فقط كلفت (3800 ريال) ,,, أي سؤال انا حاضر ..

موفق بإذن الله ... لك مني أجمل تحية .
[/align]

أخوي القيصر يارك الله فيك على المعلومة

لكن عندي استفسار لاهنت


انت تقول الاجراءات كلفت 3800 ريال

هل هذا المبلغ مع قيمة اللوحة يعني الاجمالي من الا


الشي الثاني\

يالبت تفصل قيمة الاجراءات اكثر يعني كم هذي وهذي

وكم المدة / هل هي يوم يومين لان الرجال بيجي من الشرقية

ومعروف ان اي مبالغ يتحملها المشتري

اخوي

التكاليف :

نقل الملكية 75 تقريباً
عقد مبايعة 100
التامين 350

رسوم الاستبدال 500

طريقة الاسترجاع

نقل المكية 75
غقد مبايعة 100

اذا كان عندك تامين اوكية ..


المبلغ بالكامل : 1200 ريال تقريباً ...

ملاحظة الفحص ساري المفعول ...

أخوي غريب الوحده .. لاتنسى ان التأمين راح يكون مع كل مبايعة ,, وانت ما حسبت إلا تأمين واحد !!

وصاحب المكتب اخذ اتعاب (1000 ريال) لأنه أنهى الإجراءات في فتره وجيييزه ..

القيصر ممكن تدلني على المكتب وين فيه لان عندي نفس المشكله بستبدل اللوح وانا مره سويتها وتبهذلت ودخلت فيها واسطه يعني كرف في كرف وودي احد يشيلها عني

حياك الله اخوي تاكسي .. المكتب بالمدينة المنورة ,,

كلمني على الخاص إذا كنت قريب ..