للامانة ياشباب من جرب كابريس ls 2008 تكفون ويش رايكم
 

السلام عليكم ورحمة الله وبركاته
ياليت احد يفيدني بسيارات كابريس 2008 ls هل هي تخدم ولا لا هل قطعها غالية مستقبلياً طبعاً هل هي سعرها فيها
وياليت احد يزودني بصور لها

من الاخير انا جربتها مرتين بس ماعجبتني مدري ليش اتوقع انها قوية من ناحية الاسم بس اما السيارة لاتمت بصلة لهيبة وقوة الكابرس القديم فرق كبير جدا.



السيارة ما اقول فيها شي بس ماعجبتني مرررررررررررررررررة خصوصا ال 6 سلندر ما لامها داعي

انا بصراحه جربتها سياره قويه بس خرابتها كثيره وصيانه تعبانه جدا وعند البيع سعرها بالحيل طايع
واتمنى لكـ التوفيق

أنا من عشاق الشفر

بس الصراحة من يوم شفت الكابريس الـ2007 LS كرهت الشركة

لو في بالك كابريس أنصحك بي الـ LTZ أو SS بس
أو تاخدلك كابريس موديل 2006 الشكل هذا أرغب

من ناحية التحمل فهي سيارة لو حافظت عليها ماتقول شي ماشالله وأسأل مجرب

أما من ناحية السعر فهي ماتمسك سعر مثل التويوتا بس سعر بيعها مقبول للمستخدم بس عندك الـSS من 2004 إلى
2006 صراحة سعرها ماسك في السوق والسبب سوقها ماشي عند الشباب خاصة يعني يوم نزل الـ 2006 كان في
الوكالة بـ 104000 ريال سعودي والآن تباع في المعارض بـ فوق 85000 ريال سعودي على الأقل طبعا أكلمك عن
النظيف والمشي القليل

من النهاية كابريس LS V6 أبعد عنها أصلا الكابريس الـ 6 سلندر مايدخل العقل خاصة في 2007

وللمعلومية (((( الكابريس واللومينا ماهي صناهة أمريكية )))) صارت تصنع في أستراليا في شركة HOLDEN
ومن عام 2000 منع الكابريس واللومينا من دخول أمريكا لعدم مطابقته للمواصفات والمقاييس الأمريكية

وهذا اسم اللومينا في استراليا الشركة المصنعة HOLDEN COMMODORE

والله يوفقك لما يحب ويرضا
ولو في بالك أي إستفسار بإمكانك مراسلتي على الإيميل
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

لا انصح بالكابرس موديل 2008 نهائيا وذلك لوجود عيوب فيه وخاصتا ان بعض الماسكات بأسفل السياراة بلاستيك ومر صيانة الوكالة وبتشوف الهوايل

مااانصحك فيها ياخوي