في آي بي للبيع والشراء : بيع , شراء , سيارات , ارقام مميزه , لوحات مميزه , رقم مميز , جوال

الرجال اشكـال والـوان والطيّـب قليـل
والعلـوم الطيّبـة مـا بـكـلّ ايدلّـهـا
بعضهم حتى مع اقرب قريبٍ لـه بخيـل
وبعضهم لاجات نفعته جـت فـي حلّهـا
عقّب اللي يقـدر الطيـب ويـدوّر بديـل
يمتثل للـي تبيـه المـدام ارضـاً لّهـا
مايشاورغيرها في المقام وفـي الرحيـل
ياخـذ التوجيـه منهـا ويتبـع ظلّـهـا
كم صبي(ن) تنخدع فيه ما يشفي غليـل
لابخصته خوّتـه غصـب عنـك اتملّهـا
في المجالس له سواليف ولسان(ن) طويل
يحسـب ان المرجلـة سالفـة ويهلّهـا
المراجـل ماتجـي بالسوالـف والعويـل
وما بكل(ن) لابغى المرجلة كفو(ن) لّهـا
من بغى الطالات يصبر على الحمل الثقيل
يرتكـي لحمـول الايـام ليـن يشلّهـا
عزتي للقرم لاصار مـا عنـده حصيـل
ويتستّـر فـي رجـا الله عسـاه يحلّهـا
يحترق في صمت يمشي مع العالم عليـل
لو ضحك به علّه مـا حـدٍ يفطـن لّهـا
والله ان اموت ما اجنّب العلـم الجميـل
يا عذولي خـل عنـك النصايـح خلّهـا
كان تحسبني هبيل(ن) فسجّلنـي هبيـل
ماازين هبال(ن) يـروم المراجـل كلّهـا

منقوله منتدى وادي الدواسر