في آي بي للبيع والشراء : بيع , شراء , سيارات , ارقام مميزه , لوحات مميزه , رقم مميز , جوال

نجم هاوي علي الشيطان

--------------------------------------------------------------------------------

يقولون العرب في ماضى التاريـخ وألازمـان
يجى وقتٍ غبر مايسنـدون الامـر لصحابـه
ويقولون العرب مافيـه نـار الا لهـا دخـان
وساس النار والدخان مـن جمـره ومشهابـه
ويقولون العرب قدامـك الميـدان ياحميـدان
مثـل دارج ولـه معنـى ويعجـب واتسلابـه
ويقولون الرجال اللى لهم في الطايله برهـان
ابـد ماضـاع حق(ن)ولـه ديانـه وطلابـه
ويقولون الرجال البيت مايبنـا بـلا عمـدان
وانا اقول ان عز البيـت بالعمـدان واطنابـه
اللى عزوه ولى لابه عتيبـى ربعـى العتبـان
ولى حق الفخـر بأسـم العتيبـى واتعزوابـه
تنقي ياهجوسى واجمعى باقـه مـن البستـان
تنقـي فالنـوادر والمنقـى ربعـى اولابــه
سلام الله على كل القبايـل مـن ولـد قبـلان
بدون اقصور كلٍ يفتخـر لاصـار مـن لابـه
وترى كلمت نعم ماجات لعتابه علـى المجـان
شروهـا عسكـر البـارود رجليـه وركابـه
تربعنا على القمـه وقـرت شوكـة الميـزان
لنا وقفه لنـا هيبـه لنـا حشمـه لنـا جابـه
ولانغدر نثمـن واجـب الضيفـان والجيـران
نمشيهـا وندمـح زلـة الصاحـب وندرابـه
بحر هادى مع الهادى نجم هاوى على الشيطان
الم تـدرون عـن هـذا المثل(لـدم شرابـه)
تحيه ياهـل الهيـلا وحنـا والعبـاد اخـوان
تحت ضل الشريعه كل فاسق ياخـذ احسابـه
تلالى يابروق الشعرفي راسى سـرى ربـان
هماليله غلا تمطر على اهل الـدار وهضابـه
انا الشاعر وانا المبدع وانا الهاوى وانا الفنان
ليامنى ذكـرت اللـى شهـر للعـز مخلابـه
عريب الجد ابو متعب على شعبه ملك وانسان
يمينـه بالعطـا جزلـه حليـم ولا يحـلابـه
الا ياقـادة الامـه حكمتـو والـولا ريـحـان
امده بأسم ربعـى محزمـى وامـون ونيابـه
وصلاة الله على محمد عدد ماهلـت الامـزان
رسـول الله حبيـب الله ذكـره الله بكتـابـه