في آي بي للبيع والشراء : بيع , شراء , سيارات , ارقام مميزه , لوحات مميزه , رقم مميز , جوال

سلامُ عليكم

قصيده عجبتني لمدغم ابو شيبه اتمنا اتحوز على رضاكم

رجم الهوى اللى لعن كوثـر جماهيـره
عز الله انـه مايستاهـل تعـب ساقـى
اتعبتهـا فـى مراقـيـه ومشـاويـره
ذى جرتى نازل ...وذى جرتـى راقـى
لبيه يا (سـاره) ولبيـه يـا (منيـره)
فى مهبل الناس مدرى ويش أنا لاقـى
صدر الشمالـى عليهـن فـك ازاريـره
اللـى مـن أدم وحـواَ مابعـد ضاقـى
جن المدينه علـى غفلـه مـن الديـره
وتورطـن بالرومنسيـه والأشـواقـى
مايكتـبـن أساميـهـن بالطباشـيـره
بيعلمنك عـن الموضـه والاذواقـى..
مافيـه داعـى اجاملهـن بتكشـيـره
وأقول مشتاق ..لـو مانيـب مشتاقـى
ماهن بكفو السهر... والحزن ...والغيره
ودموعى.. وشعرى الموزون ..وأوراقى
(كرت احمر) و(باب طياره) و(تسفيره)
فى (قلعة الوادرين) و(بألـف طقاقـى)
الهنـدى ووايتـه.. والعـود وبعيـره
هـذا مـدور ذهيـب..وذاك سـواقـى
لو ما أنصفتنى سنين العمـر الاخيـره
ماطبقت عينى أحداقـى علـى احداقـى
قفلت سيرة علاقـات ..وبـدت سيـره
اللى عليهـا الكـلام وهقـوة الهاقـى
ابرك ضيوف الهوى...وأغلى مساييـره
ريحانة تقطـف اللهفـه مـن أعماقـى
ماهيب من قوم ..(ابو دقه وتسكيـره)
من قوم (لاحاسبـت ماتاخـذ الباقـى)
لهـا علـى الزيـن تهليلـه وتكبيـره
انعم من الورده اللـى فـأول الساقـى
مهيب أميـره لكنهـا جنـب الأميـره
ذات الحسب والنسب والمستوى الراقى
من (أغنياء الرياض) ومن (هواميـره)
شركات أبوهـا بضايعهـا فالأسواقـى
يومى لها الغصـن وتغنـى عصافيـره
ولأمـر ينقـاد لرضـاهـا وينسـاقـى
غيداء سهم عينهـا مـن قـو تأثيـره
مخسر سوق الاسهـم عنـد الاغلاقـى
البدى والهيكـل اللـى ماتبـى غيـره
(اصطب )و(استبنتين) وقير (علاقـى)..
مازيـن اخلاقـى الـطـب بعقاقـيـره
لـولا عقاقيرهـا مـازانـت أخـلاقـى
من قبلها الحظ مـن جفـره لدحديـره
لين أوعـزت للزمـان وحـرر اوثاقـى
وأعتظت عن ..قوم (ابو دقه وتسكيره)
باللى ( ليا حاسبت ماتاخـذ الباقـى)..