23-10-09, 08:59 PM
|
#15
|
مراقب منتديات في آي بي العامة
|
بغرفة ساره وريهام..
صحيو البنات الساعه 12 الظهر من التعب
ريناد وهي تغسل وجهها تشوف ورقه فوق الكومدينو راحت واخدتها وقريتها بصوت واطي والدموع بعينها على طول بكت وورت البنات الرساله وزعلووو وبكيو عليها وكُـلم يتصلو مقفله جوالها جلسو يرسلولها رسايل
نزلو عند الامهات وقالولهم وام ريهام بكت على بنتها وكدا...
طبعا البنات صرفو الامهات بـ إنو راحت تجهز شنطتها والرحله الي بعد اسبوع تأجلت لاسبوعين لظروف وهي كدا بتـتأخر ع الدراسه...طبعا الامهات صدقوو الكلام
ريناد بصوت واطي:يلعن ام الخررررط
ريهام وساره وريما:ههههههههههههههههههههههه
الساعه3 وهما يتغدو الحريم بجهة والبنات بجهة
ريناد:والله الغدا مو حلو بدون لولا>دلع الاء
ريما:ايوا والله لولاه تسوي فله وعربجه حتى في وقت الاكل هع
ريهام:تروح وترجع بالسلامه إن شاء الله
البنات من قلب:آآآميـــن(وكملو اكل)
___________
الاء تخرج من البيت الساعه 4 وصلت المطار 5 العصر والرحله 7المغرب
الساعه 7
الاء وهي تطلع الطياره بشوويش ومهمووومه انها ماودعت اغلى حبايبها حتى إلي يشوفها يقول كذا
الاء:افف حااله نشوف الارقام بس يلا (دوورت شويا ولقيتو فتحت عيونها ع الآآخر مــصـــدووووووووووووومــه من إلي تشوفو جنبها )
الاء بصدمه بقلبها:واااااااااا هوا نفسه نفسه
ياسر مرره مو حاس بأحد كان يطالع الشباك وماشاف الاء وهي تشوفو
الاء لمن شافتو ماركز عليها اتلثمت عشان مايعرفها إلي بنظرها اكبر شرير شافتو بحياتها
الاء تأففت من الوضع وجلست وقررت ماتتكلم عشان مايعرفها
ياسر انتبه لبنت جلست جنبه:حشى داخله على يهود,,طيب سلمي
الاء مقهوووووره:سلام
ياسر لمن سمع صوتها على طول اتذكر صوت الاء نفس الصوت تقريبا:وعليكم
الاء تغير صوتها:طيب كمل السلام
ياسر لا لا مو هيا شكلها وحده تانيه وانا ايش الي يذكرني بديك المهبوله
الاء لاحظت سكوته طول:كمل السلام
ياسر انتبه:اه وعليكم السلام
الاء بقلبها بدرري عليك(مرت ساعه ع الوضع)
الاء وهي مكتووومه مو متعوده تتلثم نفسها تفك بس ماتقدر استحملت وبدون ماتحس نامت
ياسر يضحك بقلبه بعد لمن عرف إنها هيا نفسها لإنها طاحت اللثمه عليها وهي نايمه وجالس يغني بصوت خفيف ويطالع الشباك
____________
بغرفة ريهام وساره...
ريهام الفجر الساعه 4:30 تصحي البنات:يلا قووومووو صلو طلعت الشمس
(كلهم نايمين بسريرالاء ولي تطيح والي تتشقلب شكلهم توووحفه)
ريهام وهي تطالع اشكلهم وتضحك:ههههههههه يلا قووموو والله شكلكم ختيييير
ريناد:الاء كمان شويا10 دقايق بس
ريهام تضحك:هي هي بنت انا ريهام مو الاء ,ههههههههه والله انك مهوويه رنود
ريناد فتحت عيونها:ههههههههههه معليش متعودين لولا المرجوجه تصحينا هع بس مو بالهداوه دي بتلج الاخت ههههههههه
ريهام:ههههههههه اكيد اختي واعرفها نوومها مرره قليل وتصحى بسررعه لو احد لمسها بس قنابل تتفجر جنبها ماتصحى هع
ريما وهي تقوم:هههههههههههههههههه
ريهام وريناد يطالعو فيها:اصبحنا واصبح الملك لله صاحيه تضحكي انتي
ريما:ههههههههههه لا لا بس كلامكم يضحكني(وتروح الحمام,الله يكرمكم)
ريهام:يلا قومي انتي التانيه ولا حضرتك جالسه تتكلمي معايا
ريناد تضحك وتقوم:ولا يهمك
ساره اول وحده فيهم صحيت وتفطر بالمزرعه تحت
قامو البنات بالصعوبه صلو الفجر ونزلو يفطرو
ريناد:تتوقعو الاء وصلت ولا
ساره تضحك:ايش السؤال العبقري دا لسه بالطياره يوو اعتقد 9 ساعات الله يعينها
ريما:قهر والله المفروض دحين هيا معانا وتسافر بعد اسبوع مالت(يرن جوال ساره)
ريهام:اممممممم (وقامت من كانها)يلا تحركوو شيلو الفطور المطبخ ولا فالحين تاكلو وانا اجيب
ريما وريناد:ههههههههههه 10 او اكتر شغالات ليش والله؟
ريهام:ياشيخه تلاقيهم نايمين دحين يلاقومو(شافت محد قام)والله ماتستحو تخلوني انا اقوم اشيل اوك اوريكم تاني مره مين يفطركم(تشيل الفطور وتروح)
ريناد تطالع بساره إلي مرتبكه من جوالها:ماشاء الله مين متصل من صباح الله خير؟؟
ريما:اعتررفي مين يصبح فيكي كل يووم هاااا؟؟
ساره ابتسمت على تفكيرهم:ياهبل هادي صحبتي
ريما:طيب رددي عليها يلا
ساره قامت عشان مايشكو بشي:ولا يهمكم برد عليها يلا(راحت ورا شجره وردت)
ساره تكلم:خير انت ماتستحي متصل الصباح ليش ان شاء الله؟
المتصل:هدي هدي مافي صباح الخير حبيبي ولا شي
ساره معصبه:انقلع
المتصل يضحك بقلبه:احترمي نفسك ياسارونه جهاد الغني ولا ماتشوفي خير
ساره:ههههههههاي ضحكتني وانا مالي نفس اضحك
المتصل:زيما اعرف اسمك اعرف كل شي عنك ياحلوه
ساره سكتت بخوف
المتصل:اليوم ابا اشوفك في التحليه على الساعه 8 كدا العشى تكوني برا جنب حمامات البنات سمعتي ولا والله رح تندمي كثيييير
ساره الكلام مو راضي يطلع معاها لس تبا ترد بس سمعت صوت طووط طووط >تقفيلة الخط
ساره بصرآآخ:يـاحيوااااااااااان
ريما وريناد من بعيد:اشبك تصرخي؟!
ساره رجعت لعندهم:ههههههه نفسي ازعق زعقت
ريما وريناد يطالعوها بشك
ساره:اشبكم عليا..(تصرف)وين رورو؟
ريما:مدري راحت ولا رجعت
ساره:ااه(قاطعها صوت يرن جوالها قمات بسرعه وبعدت عنهم وردت وهي معصصصصبه منه)
ساره بدون ماتطل ع الشاشه ردت بعصبيه:نعــم
عبد الرحمن بإستغراب:بسم الله الرحمن الرحيم هاذا وانا اقوول بنفسي شكلو سوسو اختي مرووقه وكدا إلا طلع العكس سلامات
ساره تضحك بتفشل:هههههههه معليش بس البنات طفشوني هنا
عبد الرحمن:ماعاش مين يطفش سوسو خيتو هع
ساره:ههههههههههه من متى عبد الرحمن؟!
عبد الرحمن يضحك:ماتبو تتمشو قريب من المزرعه ولا..؟
ساره بفرح:إلااا اكيييد واليوم اخر يوم بالمزرعه نبا نفلللها
عبد الرحمن:إلا تعالي ايش حكاية الاء دي كنا بنجلس 4 ايام بس لمن سافرت اجلنا سارت يومين ليش
ساره:بعدين احكيك بالبيت المهم يلا نبا نتمشى
عبد الرحمن يضحك:هههههههه اوك البسوو واطلعو عند قسم الرجال مافي احد الكل نايم بس انا وفيصل وعبد العزيز
ساره:على طوووووووول(وتقفل تروح تكلم البنات)
|
|
|
|