30-09-08, 11:40 AM
|
#1
|
( متسوق جديد )
|
السلام عليكم ورحمة الله وبركاته
كل عام وانتو بخير يالربع
وعساكم من عواد الاعياد وتقبل الله طاعتنا لرب العالمين وصيامنا وقيامنا وعتقنا من النار بإذن الله
يالربع اتمنى تتقون الله وتخافونه
وانتم تراكم في دنيا تتمتعون فيها متعة وكأنكم غرقانين ببحر غويط ..
احمدوا الله على اللي انتم فيه
وانتم ان شاءالله اهل للخير والمسرات واصحاب الكرم والاخلاق الحميدة .
لكن انا حبيت اقولكم
ان اذا الواحد اذا جا يبيع ، صح انه يقول البايع او المشتري (بين البايع والشاري يفتح الله)
لكن وبكل صدق
تأكدوا ان اللي يبيع سلعة بسعر اغلى من المستحق عليه فإنه ربا نفسه
وانه بنى على ذمته مبلغ لازم يسددها دامها خذها من المشتري
وبصراحة التجارة في شرايح الاتصالات وبكل صدق شطارة فيها
لكن صدقوني يالربع ترى من الله التوفيق والرزق بيده
والإنسان مايتوفق في بيعة بضاعته إلا اذا أخلص بأمانة البيعة ومابنى على ذمته شي
يعني فيه مقارنه شاسعه بين شخصيتين هنا بالمنتدى ، واحد يبيع اغلى وواحد يبيع بسعر معقول
لكن بصرف النظر عن السلعة
ابعطيكم مثال
مثلا للتميز عنوان
طرح ارقام خيالية وحلوه ، لكن شوفوا كيف ربي معطيه الرزق زياده ما اشوف اعلاناته التجارية الله يوفقه يبيع ارقام خيالية بأسعار معقوله وبمبلغ يستحق دفعه بكل أمانة
لكن يجيك شخص
يطرح رقم عادي او شي من هالقبيل من التميز
يعني مثلا هالرقم
0501230003 < مثال مو رقمي ولا اعرفه ترى هههههههه
ويقول نفتح السومه
فجأة واحد يبدأ بالسومة من 300 ريال نقول
واللي يزود خمسين ويزود عشرين
يرد عليك بايع الرقم المعروض ويقول ياجماعة الرقم مسيوم بـ 300 الف ريال !!!!
يعني بصراحة تتوقعون لو فعلا ً شرا واحدن منه هالرقم بـ 300 الف ريال
على باالكم بيتمتع فيها
ترى بالعكس ربي بيبلاه ويخليه يخلص الفلوس اللي خذها بسرعة ويمكن ربي مو موفقه بدنياه كونه استغل حاجة المشتري وفوق هذا باع بـ ربا وبأكثر من المستحق بعد !!
فأنصح الجميع ان يتقي الله في نفسه ويعرف ان كما تدين تدان
ان مثل ما شرا منك هالرقم بالمبلغ اللي زود فيه من الربا وخليته يحتاج لهالرقم فتأكد ان الله يمهل ولا يهمل وبآخر دوران الأيام يقلب عليك بموقف نفس الموقف اللي سويته في اللي شرا منك وبكن بموقف ربما يختلف عن موقف المشتري ويمكن بأقوى منه
حتى لو كان المشتري قال لو مثلا هالرقم بـ 100 ريال انا بشتريه منك بـ 2000 ريال
اعتقد اذا تبي ربي يوفقك في اخلاص رزق الله وان تبيه يوفقك ويفتح لك ابواب رزقه ان ماتقبل بعرض مشتراه غير انك تاخذ المبلغ المستحق المعقول المناسب لسعر السلعة اللي تبي تبيعها
وصدقوني يالربع
انا ماكتبت هالموضوع الا لأني خايف عليكم من عقاب ربنا
لا تحسبون اننا بنعيش للأبد في دنيانا
بالعكس ترى الآخرة تنتظرنا على ابوابها وبإرادة رب العالمين ندخلها أبواب الآخرة بما شاء قدره سبحانه .
لا تخلون المواقف اللي تجيكم او يجيك واحد ويقولك ياشيخ اذا شر منك اكثر من المستحق بعه بس
انتبه تطاوعه
ترى الله عطاك حكمة وعقل تفكر فيه ، ولا تحسب خويك هذا هو عقلك وحكمك ويمشيك على كيفه
يعني اتمنى تصيرون اصحاب ذمة وضمير مثل بوعارف ومثل للتميز عنوان والذوق وغيرهم اللي خانتني ذكراهم بأسمائهم
وجزاكم الله خير
اخوكم
عبدالمحسن التركي
|
|
|
|