صباح الخير وعيدكم مبارك
تـواصل لـ سعـود بن مهدي
أتمني إن تعجبـكم
يروق بالي لامني شفتك مروٌق
ويضيق صدري لاشفتك تبكي .. وضايق
لاتنثر الدمع .. دمعة عينك تشوٌق
ماودي انك تشاهد .. دمعي الرايق
الصد يذبح ( رهيف القلب ) ويتوٌق
وانا على شوفتك عقب البطا .. تايق
لاتفوقون الهواوي ,, ماهو مفوٌق
من كابد الشوق .. يبطي ماهو بفايق
غديت بعيون من شافوني معوٌق
من عقب ماكنت في نظراتهم .. عايق
غلاك .. عن باقي الخلان .. متفوٌق
وغيبتك طالت وانا ماعادني طايق
سرقت مني الفؤاد .. وجاك متطوٌق
وشلون ؟ ماخفت ربك فيه .. يالبايق
ياللي تبضع من جروحي وتتسوٌق
انصت لبيتي هذا .. وخلك معي رايق !!
مابيك تضحك معي .. لاشفتني مروٌق
ابيك تبكي معي .. لاشفتني ضايق
|