30-12-09, 12:25 AM | #1 |
( متسوق متفاعل )
|
مساء الخير .. من المعروف ان احد اسباب ارتفاع الأسعار غير الأستغلال وايضا مسألة ارتفاع مواد البناء هم موظفين ارامكو محاولة استغلالهم ... ونظام شراء المنازل الي حاولوا التجار يستغلونها صح وايضا نظام اقراض الموظفين القديم بالبنوك بحيث ان الموظف الحكومي او غيره على حسب راتبه ياخذ مليون ريال ويسدد على 25 سنة .. يعني من جميع الجهات مغريات انك ترفع السعر وتكسب دبل ... واستفاد التجار ف البداية لانهم كانوا يبيعون بالاسعار المنطقية اذكر حي الجسر كامل كان يباع بــ 800 الف ريال لفلل الأن اسعارها مليون وخمس مية ثم صار الطمع رفعوا الأسعار منغرين ان هؤلاء موظفين بشركة تعتبر الأغلي وتناسوا انهم موظفين سعوديين ياخذون رواتبهم بالريال مهب بالدولار ... وتناسوا ان الواحد يا عليه قرض سيارات يا بنوك ... وان المشتريين الي يستهدفونهم اغلب الموظفين اسعار قروضهم تتراوح بين 600 الي 900 الف ريال ومو كل الدوائر تعطي زيادات عدله للموظفين ممكن زيادتك السنوية ما تتجاوز ميتين ريال ومع النظام الجديد زين اذا وصلت اصلا للميتين وايضا اصحاب المناصب العليا ومن كانت خدمتهم 20 سنة قروضهم توصل لمليون ونصف تقريبا يعني عندك عرض بس ما عليه طلب الا من فئة معينه ما تقارن ب1% من المعروض وحتي لو انت موظف ومنصب مو ضروري قرضك يطلع بهالمبلغ ولو طلع وش لك بالبناء التجاري العالم هبو بالبيوت ام 750 الف التجارية من ثلاث سنوات النتيجة البيوت قاعده تخر على الناس موية ودبلوكسات الكورنيش اكبر دليل وحي الجسر البلاط بسبب انهم ما ردموا زين بعض البيوت خلال عشر سنين ممكن تصير خطره على السكان بسبب نزولها وعدم تحمل الأرض ومن اول سنتين بلاط الحوش من يثبته على الارض واسالوا سكان الحي ينط نط كنك داخل ملاهي طبعا النظام في ارامكو ان لك 200 الف تشتري فيها ارض والباقي تبني فيه البيت وهذا صار مستحيل اولا مافي ارض ب200 الف الا بمخططات العزيزية البعيده اغلبها مقاهي واستراحات لا تصلح لسكن العوايل .. ومع غلاء الاسعار وعدم ثبات السوق من الخبل الي بيتشري ارض ويدبر باقي المبلغ من البنك اذا ماكانت عليه قروض ويبني منزل الاحلام وكل يوم مرتفع شيء خاصة ان الكثيرين في البداية خذو قروض عشان الأرض والنتيجة ادمرت احلامهم وصارت عندك بيوت عظم معروضه للبيع بكميات هائله واكثر من قصة اصحابها كادوا ان يسجنون بسبب ارتفاع الاسعار وعدم قدرتهم على سداد المديونات الي عليهم بالوقت المحدد .. طب انت يا الموظف المسكين قررت تصبر وتحتسب وتشوف اخرتها النتيجة صار طموحك دور الدور الي عمره عشرين سنة او 15 سنة تلقاه ب750 او 850 ريال يحتاج تجديد وتصليحات لانه لو متجدد بالراحة ب 950 الف طيب انت عندك نظام يمنع شرائك بيت عمره فوق العشر سنوات طيب تعاطفوا معك الموظفين ومشوها لك في قرار ثاني كل سنة زائده على العشر سنوات ينخصم مبلغ من القرض ونقول البيت عمره عشرين سنة بالله وش بقي عشان تشتري البيت اصلا ..!!!! انجبروا الناس ما يشترون كل واحد قال والله ارامكو تعطيني ارض وتبني لي احسن النتيجة التجار تورطوا صارت مره الاسعار نازله مره مرتفعه بعضهم متورط فعلا بمواد البناء شاريها غالي وبعضهم ينزل الاسعار لان الاساس والبناء ما كلفه اربع مية الف الخطة الثانية كانت تقسيم البيوت بحيث كل 250 متر يباع بسعر محدد 950 ريال وفوقها بناء تجاري وتخطيط واستغلال سيئ للمساحات طيب عندك قرار ثاني ان الدبلوكس لازم يكون منفصل مهب متلاصق بس نقول مشوها الناس دبروا اعمارهم من اول مشتري تدبلت الاسعار صار الدبلوكس بــ مليون وميتين الف وين اذنك يا جحا على ايش ما تعرف خربو سوقهم بيديهم الان تفاوت بالاسعار مره فوق مره تحت التجار محتارين طيب الان حضر نفسك اراضي الاحساء توزعت يا حلاوة والظهران قريبه وارامكو متكفله بالبناء وبمواد عليها ضمان ومن اجود المواد ... هل يا تري بنشوف دبلوكسات تنباع بــ500 الف وفلل ب850 محد يحب الخسارة بس من جد انتهي شهر العسل يا تجار الشرقية ... محد بيشتري بيوتكم الا عيال تجار كانوا من الأساس يشترون منكم لكن الأن الي حبيتم تستغلونهم هم كانوا سبب دمار تجارتكم وللأسف الكثير دخل مجال العقار عقب الأسهم وحب يلعب مثل الكباريه يبني باربع مية خمس مية ويبيع بمليونين والسيناريو المذكور دمر تجارته تماما لان ما عنده قاعده مالية يعتمد عليها ما عنده استعداد يبيع باقل من سعر البناء بس راح ينجبر والعروض بالسوق راح تتغير 160% وانتظر ارائكم
|
01-01-10, 12:55 AM | #2 |
عضو ماسي ViP
|
موفق................. |
26-02-10, 04:46 PM | #3 |
مراقب منتديات في آي بي العامة
|
موٍفق بإذن آلله ,, آخوكَم ,, مسًفر |
العلامات المرجعية |
يتصفح الموضوع حالياً : 1 (0 عضو و 1 ضيف) | |
أدوات الموضوع | |
انواع عرض الموضوع | |
|
|