10-10-09, 06:38 AM
|
#1 |
|
( متسوق جديد )
|
بسم الله الرحمن الرحيم
السلام عليكم ورحمة الله وبركاته شباب صبايا كل عام وانتم بخير واسعدالله جميع اوقاتكم بكل خير يارب شباب وصبايا ياحبايبي كل واحد مننا اكيد قد تأذا من شركة الاتصالات السعوديه stc من ناحية الفاتوره بشكل خاص يعني تحصلون تطلع علينا فواتير بقيمه كبيره جدآ وكلنا متاكدين تمامآ ان الفاتوره ماتوصل الى هذا المبلغ لا وفيه ناس حاطين حد أتمأني وتجي الفاتوره متجاوزه الحد الاتماني طعبآ انا مجموعة مسوين قروب مكون من سبعة عشر نسمه <- يعني مابين شاب وصبيه اتفقنا اننا نكتب رسايل ايميلات وكذالك في المنتديات نسوي حملة تخلي شركة الاتصالات تلعن اليوم اللي فيه ظلمت المواطن والمقيم في المملكه العربيه السعوديه الاتفاقيه هي كاتالي اول شي ياغالي تمتنع من استخدام اي وسيلة اتصال يكون الوسيط فيها شركة الاتصالات السعوديه مثلآ تلفون البيت اسحب سلك التلفون ولاتتصل لمدة عشره ايام وهذا الشي سوف ندبقه انا والقروب معي وكلي ثقه ان الكثير راح يطبقونه والجوال طال عمرك طفه وشفلك شريحه مؤقته لمدة اسبوع فقط اذا كنت مضطر للجوال واذا تقدر تستغني عنه اسبوع او عشره ايام جرب منت خسران لو استغنيت عنه اسبوع بتقولون اسبوع كثير طيب وش المطلوب من المقاطعه هي خسارة شركة الاتصالات وبتالي تضطر شركة النصب السعودي في تخفيض اسعار المكالمات ورسوم الاشتراك احنا جربنا كثير نقفل الجولات لمدة اربع وعشرين ساعه ولكن ماطلعنا بنتيجه ايجابيه صحيح ان شركة النصب السعودي خسرت وتاثرت ولكن ماكانها خسرت عادي ماشين ع مثل لايضر السحاب نبح الكلاب وهذا المثل لايطبق ع ناس عاقله وواعيه لها وزنها وقيمتها في المجتمع العالمي اذكر لكم موقف حصل معي شخصيآ في شهر ثلاثه هجري العام الماضي سافرت الى خارج المملكه لمدة شهرين لقضاء اجازتي السنويه في الامارات العربيه المتحده طبعآ قفلت جوالي ولم استخدمه طبعآ قبل اسافر سدد فواتيري كامله جوالي وتلفون البيت والكهربه وكل متطلباتي عشان اذا رجعت ارجع وانا مرتاح مااشيل هم شي من هذي الشركات استخدمة جوال امراتي ياناس عالم عايشين بنعمه فعلآ مكالمه بالجوال ورصيدي خمسميه درهم كلمة ع السعوديه جلست بالمكالمه ربع ساعه تقريبآ طبعآ المكالمه دوليه توقعت ان بيروح من رصيدي اقل شي ميه الى ميه وخمسين ريال والله حتى توقعت ان رصيدي بيخلص وبيقفل ع اللي انا اكلمه في ثلاثه وعشرين دقيقه مكامله دوليه سحبو مني رصيد سبعة عشر ريال <- استغربت جدآ ماني مصدق مادري كيف نضامهم لكن رسوم الشبكه عندهم بعشرت دراهم في الشهر يعني بعشره ريال سعودي بينما عندنا هنا يضحكون علينا يقولون خذ باقه ب 35 ريال او 45 ريال واذا اخذت ب 35 صارت سعر المكالمه الداخليه ضعف سعر المكالمه الداخليه في الباقه اللي قيمتها 45 ريال يعني انت يالدلخ <- حسب مفهومهم اقصد شركة النصب السعودي في كل الحالات منصوب عليك ان اخذت خمسه وربعين فرسوم الشبكه ثابته والمكالمات مخفضه هذا الكلام قدامك وان اخذت 35 فرسوم الشبكه شبه مخفضه ولكنها مناسبه وهي تساوي ضعف الباقه 45 وسعر الدقيقه ضعف سعر الدقيقه في المكالمه 45 المهم رحت للأمارات في شهرين رجعت فاتورة التلقون الثابت 1326 ريال وفاتورة الجوال 1255 ريال سعودي وليه هذي الفواتير قالو لي رسوم اشتراكات لك + الشبكه + فواتير ماضيه طيب اشتكيت عدلو بدلو ياعالم جاي من اجازه ومطفر مره مارضو نهائيآ الا الين اسدد الفواتير وبعدين اطالب زي اللي يقول انت دافع دافع منصوب عليك وانت تطالع يالحيوان كثير مننا يشتكي من شركة الاتصالات فحبينا نكون حمله ع شركة النصب العالمي السعودي طبعآ بداية الحمله هي بتاريخ 1/11/1430هـ وتستمر المقاطع لمدة عشرة ايام الى تاريخ 10/11/1430  طبعآ الصوره هي لمقاطعه يوم واحد فقط لكن هنا نطلب المقاطع لمدة عشرة ايام لن قاطعنا لمدة يوم ولم نستفيد شي بالعكس اليوم اللي فيه الاتصلات قليله يدبلون السعر في الدقيقه بحجة انهم بوقت ذروه بالتوفيق للجميع ابغا اسمع عن خساره فاضحه لشركة الاتصالات السعوديه وقريبآ ان شاء الله جدآ جدآ الحمله ع شركة زين السعوديه |
|
|
10-10-09, 02:44 PM
|
#2 |
|
( متسوق جديد )
|
وعليكم السلام ورحمة الله
أنا مستغرب منك ليه ألى الآن قاعد في هالشركه من الأساس أنا مقاطعهم سنتين ( حولت خطي لموبايلي ) ومريح راسي فنصيحه لك يخوي لاتعب نفسك وتقاطع , روح اليوم وحول خطك لمزود آخر وحترتاح بكل ماتعنيه الكلمه عندك موبايلي وزين , موبايلي تقدر تحول نفس خطك , بس زين ماعندهم هذي الحركه ,,, فأذا نفسك بزين يبغالك تغير رقمك وشوف الي يريحك أما الناس الي قاعده تتشكى من الاتصالات أشوف هم الغلطانين , ليه من الأساس قاعدين فيها ؟! خلاص الشركه مهي محتكره السوق وفي أثنين غيرها ,,, وبما انها ماتحترم العميل , ماتستاهل نقعد يوم فيها المضحك أنهم قبل فتره أتصلوبي على أساس أرجع لشركتهم بعرض سنه بدون أشتراك يارجال لو يطلعون باقه علشاني يسمونها جود جوال بلس للجوال , ويعطوني أيها مجاناً , ما رجعتلهم |
|
|
|
13-10-09, 08:26 AM
|
#3 |
|
( تاجر )
|
معاك على هذه الشركة
|
|
|
|
16-10-09, 07:03 PM
|
#4 |
|
( متسوق جديد )
|
شركة الانفصالات شركة خايسة بمعني الكلمة |
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
العرض العادي
