بسم الله الرحمن الرحيم



قصيدة للشاعر خالد الوسواسي


كلّنا للموت وان طال العمر

في النهايه منتهانا للقبور


ما يفيد الطبّ في رَد ّ القـدَر ْ

القدر محتوم والدنيــا عبور


وكل شي ٍ لا محالـــه بْيندثر

ويبقى وجه الله على مرّ الدهور


طيع ربك وانتهي عمّا زجر

واطلب الغفران من رب ِ غفور


الزم الطاعات وانواع الذكر

ولا يغرك حال من سوّى قصور


العمر لحظات واللحظه تمر

ولي يمر من وقت ما يرجع يدور


انتبه للي أقوله واعتبر

واعلم أنـّـي ناصح ٍ من دون زور


صاحب الأخيار عالين القــِدر

ولا تصاحب شخص في نفسه غرور


الحذر من حاسد ٍ ثم الحذر

ابتعد عنـّـه ولو شفته وقور


الحسود اللي حياته في قهر

من يشوف الخير في حد ٍ يفور


لو غنى ّ المال نفسه في فـقر

ما يسدّه شي ْ ولا هو بالشكور


هي معاني صغتها فيها درر

والمعاني تبتغي شخص ٍ صبور


والختم صلّوا على خير البشر

هو شفيع الناس في يوم النشور