:::::::
:::
:

..للبـــعد مـــــوعـد..








مجبـور أنا اجاملك قدام جلاسي



وإن جيتي للصدق ماتستاهلي مدحي



ياللي قتلتي بسيف الكبره احساسي


وشلون كفٍ ابوسها قوت ذبحي



انا نويت ابتعد عن قلبك القاسي



والبعد يمكن يداوي شي من جرحي


ٍٍالآآآآه جمر ٍ لهيبه يخنق أنفاسي


أغيب ليلي وأفوق بكف من صبحي


ثوب الخيانة لباسك ماهو لباسي



يامِـنـكره عشرتي والزاد والملحي


العام قامت حروب الهرج من ناسي



وانا بشعري حميتك والشعر رمحي



ذميتي أهل البداوة والبدو ساسي



غرتك زيف الحضاره وفكرك السطحي



يحرم على شفتك تشرب هوى كاسي



واللي شربتيه غلطه والغلط ممحي


كسرت غصن الوصل حتى انكسر فاسي



وأشعلت في ذكرياتك نار من قدحي


أنا نسيتك قبل لا أقول لك ناسي



أنا كرهتك قبل لا يلحقـِك صفحي


صرح المحبة تقفل بابه الماسي


قفلت بابه ولا لك ملك في صرحي

للبعد موعد وأنا دقيت الأجراسي


وانا أوفـِي بكلمتي في جدي ومزحي


يابنت لاجل الهوى ماينحني راسي


لو كان جرحي عظيم أدعس على جرحي












للشاعر خالد وصل العصيمي